کراچی(اے این این ) نیب نے احتساب عدالت میں پاک سرزمین پارٹی کے چیئرمین مصطفی کمال سمیت 11 ملزمان کے خلاف سرکاری پلاٹوں کی غیرقانونی الاٹمنٹ کا ریفرنس دائرکردیا۔میڈیا رپورٹس کے مطابق نیب نے پاک سرزمین پارٹی کے چیئرمین مصطفی کمال سمیت 11 ملزمان کے خلاف کراچی میں سرکاری پلاٹوں کی غیرقانونی الاٹمنٹ کا ریفرنس دائر کردیا۔

دیگر ملزمان میں ڈی جی ایس بی سی اے افتخار قائم خانی، فضل الرحمان، ممتاز حیدر، محمد یعقوب، محمد عرفان، محمد رفیق، نذیر زرداری اور محمد داد شامل ہیں۔نیب نے دائر ریفرنس میں موقف اختیار کیا ہے کہ ملزمان سرکاری پلاٹوں کی غیر قانونی الاٹمنٹ میں ملوث ہیں، ملزمان نے قومی خزانے کو ڈھائی ارب سے زائد کا نقصان پہنچایا۔

موضوعات:مصطفی کمال