اسلام آباد (این این آئی)فاٹا سینیٹرز چیئرمین سینیٹ کی حمایت میں کھل کر سامنے آ گئے۔ ایک بیان میں سینیٹر مرزا محمد خان آفریدی نے کہاکہ سینیٹ آف پاکستان کے خلاف سازش ہو رہی ہے۔ انہوں نے کہاکہ اگر سازش ہو رہی ہے تو اسطرح یہ ہاؤس نہیں چل سکتا۔انہوں نے کہاکہ جس طرح یہ سینیٹ چلا رہے ہیں سب کو ساتھ لے کر چلا رہے ہیں۔ انہوں نے کہاکہ صرف ایوان بالا پر امن ہے باقی ایوانوں میں ہنگامے ہوتے ہیں۔

انہوں نے کہاکہ اگر ایسی بات ہے تو چیئرمین سینیٹ کے امیدوار کے لیے ہم بھی تیار ہیں۔ انہوں نے کہاکہ چیئرمین سینیٹ بہترین طریقے سے ایوان چلا رہے ہیں اور ہم خوش ہیں۔ مرزا محمد خان آفریدی نے کہاکہ چیئرمین سینیٹ کو ہٹانے کی سازش کامیاب نہیں ہونے دیں گے۔ مرزا محمد خان آفریدی نے کہاکہ اگر سازش جاری رہی تو فاٹا سے چیئرمین اور ڈپٹی چیئرمین سینیٹ کے امیدوار لے کر آئیں گے۔