اسلام آباد(مانیٹرنگ ڈیسک)اسلام آباد ہائیکورٹ کی جانب سے ضمانت مسترد کیے جانے کے بعد نیب کی ٹیم نے آصف زرداری کو گرفتارکرلیا۔نجی ٹی وی کے مطابق نیب کی ٹیم جعلی اکاؤنٹس کیس میں پیپلزپارٹی کے صدر آصف زرداری کی گرفتاری کے لیے پولیس کی بھاری نفری کے ہمراہ زرداری ہاؤس اسلام آباد پہنچی ۔نیب ٹیم کے زرداری ہاؤس پہنچنے پر آصف زرداری کے وکلاء نے نیب کی ٹیم سے عدالت کی جانب سے گرفتاری کے احکامات طلب کرلیے۔جو

فراہم کر دئیے گئے جس کے بعد آصف زرداری کو گرفتار کرلیا گیا، نیب کی 5رکنی ٹیم اب انہیں لیکر نیب ہیڈ کوارٹر لیکر جائیگی ۔دوسری جانب زرداری ہاؤس کو چاروں طرف سے پولیس کی بھاری نفری نے گھیرے میں لے رکھا ہے اور اس کےاطراف بھاری تعداد میں اہلکار تعینات ہیں، پولیس نے زرداری ہاؤس کے اطراف راستے سیل کردئیے اور مرکزی سڑک بھی سیل کردی گئی ہے۔ذرائع کے مطابق نیب نے فریال تالپورکو فوری گرفتار نہ کرنے کا فیصلہ کیا ہے ۔

موضوعات:زرداری گرفتار