اسلام آباد (این این آئی) بجٹ سے قبل حکومت کیلئے نئی مشکل ، اسلام آباد ہائیکورٹ میں مشیر خزانہ کے خلاف ایک اور درخواست دائر کر د ی گئی ۔ جمعہ کو درخواست گزار کی جانب سے مشیر خزانہ حفیظ شیخ کو فوری کام سے روکنے کی استدعا کی گئی ۔ درخواست میں کہاگیاکہ آئین کے مطابق مشیر خزانہ بجٹ پیش نہیں کر سکتے۔
درخواست میں کہاگیاکہ عدالت سپیکر قومی اسمبلی کو وزیرخزانہ مقرر کرنے تک حکومت کو بجٹ پیش کرنے سے روکنے کا حکم دے۔ درخواست میں کہاگیاکہ عدالت درخواست پر فیصلے تک حفیظ شیخ کو وزیر خزانہ کے فرائض سرانجام دینے سے روکے۔درخواست میں سپیکر قومی اسمبلی، حفیظ شیخ اور سیکرٹری قانون کو فریق بنایا گیا۔
