اسلام آباد(مانیٹرنگ ڈیسک)انٹر بینک مارکیٹ میں ڈالر مزید 4 فیصد مہنگا ، 147 روپے کی سطح پر پہنچ گیا۔ نجی ٹی وی کے مطابق کاروباری لین دین کے آغاز پر انٹربینک مارکیٹ میں ڈالر کی قدر میں 5.61 روپے کا اضافہ ہوا جس کے بعد وہ ملکی تاریخ کی بلند ترین سطح پر پہنچ گیا۔انٹر بینک مارکیٹ میں ڈالر کی قیمت خرید 146 اور قیمت
فروخت 147 روپے دیکھی گئی۔روپے کی قدر کم ہونے پر پاکستان اسٹاک ایکسچینج میں بھی منفی رجحان ہے جہاں 100 انڈیکس 325 پوائنٹس کمی سے 33 ہزار 965 کی سطح پر آگیا۔نجی ٹی وی کے مطابق ڈالر کی قیمت میں اضافے کے باعث پاکستان کے بیرونی قرضوں میں 666 ارب روپے کا اضافہ ہو گیا ہے ۔
