اسلام آباد (نیوز ڈیسک) بھارتی فضائیہ نے کراچی سے نئی دہلی جانے والے جارجیا کے طیارے اے این 12 کو جے پور ایئرپورٹ اتار لیا۔سفارتی ذرائع کے مطابق طیارہ کراچی سے نئی دہلی جارہا تھا،طیارہ نئی دہلی کے بجائے بھارتی گجرات کی حدود میں داخل ہوگیا۔سفارتی ذرائع کے مطابق بھارتی ایئر فورس نے
جارجین طیارے کو گھیرے میں لیکر جے پور ایئرپورٹ پر اتار لیا،طیارے کے پائلٹ سے مزید تفتیش شروع کر دی گئی۔میڈیا ذرائع کے مطابق بھارتی فضائیہ نے اس طیارے کو زبردستی بھارت میں اتارا اور اب تک اس کی وجہ معلوم نہیں ہو سکی کہ مسافر طیارے کو کیوں زبردستی جے پور ائیرپورٹ پراتارا گیا۔
