راولپنڈی (این این آئی)وزیر اعظم عمران خان نے کہا ہے کہ اس وقت ہمارے لوگ مہنگائی کی وجہ سے مشکلات کا شکار ہیں، ہمیں احساس ہے،قرضے اتارنے کیلئے قوم کو مشکلات سے گزرنا پڑیگا،قوموں پر اچھے برے وقت آتے رہتے ہیں اور انشاء اللہ یہ ملک بھی بہتری کی طرف جائیگا،جہاں بھی ضرورت ہوگی نئے ہسپتال بنائیں گے، عوام کو صحت کی سہولیات فراہم کرنا حکومت کی اولین ترجیح ہے،

حکومت نوجوانوں کو قرضے دے کر انہیں اپنے پیروں پر کھڑے ہونے کا موقع دے گی اور اسی طرح ہم دیہات میں گائے بھینس دے کر گھرانوں کو خوشحال بنائیں گے،غریب عوام کیلئے سستے گھر کا منصوبہ تیار کرلیا ہے جس کا جلد آغاز ہوجائیگا۔ جمعہ کو راولپنڈی میں زچہ و بچہ ہسپتال کی افتتاحی تقریب سے خطاب کرتے ہوئے وزیر اعظم نے کہا کہ صحت کے شعبے میں بہتری حکومت کی اولین ترجیح ہے، چاہتے ہیں کہ غریب عوام کے گھر میں جب بیماری ہو تو اسے کسی قسم کی پریشانی نہ ہو۔وزیر اعظم نے کہاکہ ماں بچہ ہسپتال کیلئے ٹاسک فورس بنائی ہے، جہاں بھی ضرورت ہو گی نئے ہسپتال بنائیں گے، غریب آدمی کے پاس ہیلتھ کارڈ ہو تو وہ ہر جگہ اپنا علاج کرا سکتا ہے۔ عمران خان نے کہاکہ عوام کو صحت کی سہولیات فراہم کرنا حکومت کی اولین ترجیح ہے۔انہوں نے کہا کہ حکومت نوجوانوں کو قرضے دے کر انہیں اپنے پیروں پر کھڑے ہونے کا موقع دے گی اور اسی طرح ہم دیہات میں گائے بھینس دے کر گھرانوں کو خوشحال بنائیں گے۔وزیر اعظم نے کہا کہ ہر انسان کی خواہش ہوتی ہے کہ اس کے سر پر چھت ہو، ہم غریب عوام کیلئے سستے گھر کا منصوبہ تیار کرلیا ہے جس کا جلد آغاز ہوجائیگا۔وزیر اعظم نے کہا کہ ہمیں احساس ہے کہ اس وقت ہمارے لوگ مہنگائی کی وجہ سے مشکل میں ہیں، مہنگائی ہونے کی وجہ قرضے ہیں اور ہمارے پاس دو ہی آپشن تھے کہ ہم یا تو مزید قرضے بڑھنے دیں یا قیمتیں بڑھائیں۔وزیر اعظم نے کہاکہ گیس مہنگی ہے،

بجلی مہنگی ہے لیکن گیس اور بجلی اس لیے مہنگی ہوئی کہ یہ محکمے مقروض ہو چکے ہیں، پچھلا نظام ٹھیک نہیں تھا اس لیے قرضے چڑھ گئے۔انہوں نے کہا کہ ہم نے قرضے اتارنے کیلئے نظام ٹھیک کرنے کا فیصلہ کیا ہے اور قرضوں کے اترنے تک قوم کو مشکل وقت برداشت کرنا ہوگا۔انہوں نے کہا کہ قوموں پر اچھے برے وقت آتے رہتے ہیں اور انشاء اللہ یہ ملک بھی بہتری کی طرف جائیگاانہوں نے کہاکہ جیسے جیسے نظام ٹھیک ہوتا جائے گا

پتا چل جائے گا کہ یہ ملک اللہ کی کتنی بڑی نعمت ہے۔شیخ رشید نے مد ر اینڈ چائلڈ ہا سپٹل کی تقریب میں خطاب کرتے ہوئے کہاکہ زندگی میں پہلی بار احساس ہوا کہ شوکت خانم اسپتال کے لیے کتنی محنت کی۔ انہوں نے کہاکہ 20 سال بعد 400 کمروں کا ماں بچہ کا افتتاح عمران خان کر رہے ہیں،11 جدید آپریشن تھیٹر ہسپتال میں  بنائے جا رہے ہیں۔راولپنڈی عورتوں کی تعلیم میں  پہلے نمبر ہر ہے،9 ہزار کلومیٹر ریل کی لائن گورا دے کرگیا۔ انہوں نے کہاکہ ہم نے دو ہزار کلومیٹر ریلوے ٹریک کھالیا پتہ نہیں اتفاق فانڈری میں چلاگیا۔