اسلام آباد(آئی این پی) انسداد دہشتگردی عدالت کے جج سید کوثرعباس زیدی کو او ایس ڈی بنادیا گیا، سید کوثرعباس زیدی بطور آفیسر آن سپیشل ڈیوٹی اسلام آباد ہائیکورٹ میں خدمات انجام دیں گے،چیف جسٹس اسلام آباد ہائیکورٹ کے حکم پر جج کے تبادلے کا نوٹیفکیشن جاری کر دیا گیا۔
سید کوثرعباس زیدی کو اسلام آباد ہائیکورٹ کے ممبرانسپکشن ٹیم کے عہدے سے بھی ہٹادیا گیا،سید احتشام علی کو ممبر انسپکشن ٹیم کا اضافی چارج سونپ دیا گیا۔کوثرعباس زیدی وزیراعظم عمران خان کیخلاف پی ٹی وی اور پارلیمینٹ حملہ کیس کی سماعت کر رہے تھے۔
