مظفرآباد(سی پی پی )بھارت نے لائن آف کنٹرول پر بلا اشتعال فائرنگ اور گولہ باری کی ہے، جس کے نتیجے میں ایک خاتون شہید جبکہ دو زخمی ہوگئے جبکہ بھارتی گولہ باری اورفائرنگ سے متعدد مکانات تباہ ہوگئے ‘بڑی تعداد مویشی بھی ہلاک ہوئے ‘بھارتی اشتعال انگیزی باعث شہری گھروں میں محصور ہوگئے۔
تتہ پانی اور بٹل سیکٹر کے نجی تعلیمی اداروں کو بند کردیا گیا‘سیکیورٹی فورسز نے دشمن کو منہ توڑ جواب دے کر گنیں خاموش کرا دیں ۔تفصیلات کے مطابق بھارت کی جانب سے لائن آف کنٹرول کے تتہ پانی اور درہ شیر خان سیکٹر میں بلا اشتعال فائرنگ اور گولہ باری کی گئی ہے، گائوں سہڑہ میں مکان پر گولہ گرنے سے پینتالیس سالہ خاتون نسرین بی بی شہید جبکہ دوخواتین زخمی ہوئی ہیں۔بھارتی گولہ باری اورفائرنگ سے متعدد مکانات تباہ ہوگئے ہیں جبکہ بڑی تعداد مویشی بھی ہلاک ہوئے ہیں،بھارتی اشتعال انگیزی کے باعث شہری گھروں میں محصور ہوچکے ہیں جبکہ تتہ پانی اور بٹل سیکٹر کے نجی تعلیمی اداروں کو بند کردیا گیاہے۔پاک فوج کی جانب سے بھارتی جارحیت کا بھرپور جواب دیا گیا ہے۔واضح رہے کہ گذشتہ روز آرمی چیف جنرل قمر جاوید باوجوہ نے لائن آف کنٹرول کادورہ کیا تھا،پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ نے لائن آف کنٹرول کیا ہے۔ اس دوران آرمی چیف فوج کی آپریشنل تیاریوں اور بلند جذبے کو سراہا۔آرمی چیف نے بھارتی اشتعال انگیزی پر موثر جواب دینے پر جوانوں کو خراج تحسین بھی کیا۔ آئی ایس پی آر کے مطابق اس دوران آرمی چیف نے کہا کہ وطن کے دفاع اور سکیورٹی چیلنجز سے نمٹنے کے لئے تیار ہیں۔