اسلام آباد(مانیٹرنگ ڈیسک)پنجاب حکومت نے گراں فروشی کی روک تھام کے لیے خصوصی آن لائن ایپ متعارف کروا دی۔میڈیا رپورٹس کے مطابق وزیر اعلیٰ پنجاب شکایت سیل کے وائس چیئرمین ناصر سلمان نے بتایا کہ ’قیمت پنجاب‘ نامی ویب پورٹل کوتمام اضلاع کے پرائس کنٹرول مجسٹریٹس سے منسلک کر دیا گیا ہے۔ان کا کہنا ہے کہ شہری ویب پورٹل پر رمضان بازار سے متعلق شکایت بھی درج کروا

سکتے ہیں، یہ عوامی شکایت متعلقہ تھانوں اور پرائس کنٹرول مجسٹریٹس کو فوری موصول ہو گی ۔پورٹل پر ہر ضلع کی اشیائے خوردونوش کی قیمتیں بھی دی گئی ہیں۔انہوں نے یہ بھی بتایا کہ شہری اپنے موبائل پر ’قیمت پنجاب‘ ایپ ڈاؤن لوڈ کر کےگھر بیٹھے سبزی، دالوں اور اشیائے ضروریہ کی قیمتیں جان سکتے ہیں۔واضح رہے کہ اب تک اس ایپ کے حیران کن نتائج سامنے آچکےہیں۔