لاہور(سی پی پی) اسپیکر پنجاب اسمبلی چوہدری پرویز الٰہی نے پاکستان مسلم لیگ (ن)کے 3 معطل اراکین کا اسمبلی کی حدود میں داخلہ بند کردیاہے۔ نجی ٹی وی کے مطابق اس حوالے سے اسپیکر پنجاب اسمبلی چوہدری پرویز الٰہی کی ہدایت پر اسمبلی سیکرٹریٹ نے عظمیٰ بخاری، اشرف رسول اور عبدالرئوف کی تصاویرسکیورٹی عملے کو جاری کردی ہیں۔

سکیورٹی عملے کو تینوں لیگی اراکین کو اسمبلی میں داخل ہونے سے روکنے کی ہدایات جاری کی گئی ہیں۔ پابندی کے بعد تینوں لیگی اراکین رواں سیشن کے دوران اجلاس میں شرکت نہیں کرسکیں گے۔واضح رہے کہ اسمبلی اجلاس کے دوران ڈپٹی اسپیکر کے ساتھ تلخ کلامی کے باعث عظمیٰ بخاری، اشرف رسول اور عبدالرئوف کی رکنیت معطل کی گئی تھی۔

موضوعات:پنجاب اسمبلی چوہدری پرویز الٰہی