اسلام آباد(مانیٹرنگ ڈیسک) وزیر توانائی عمر ایوب نے بلاول بھٹو کی قومی اسمبلی میں تقریر پر تنقید کرتے ہوئے کہا کہ ہم کسی کو بھی وزیراعظم عمران خان کی توہین نہیں کرنے دیں گے۔سابق صدر ایوب خان کے پوتے اور پاکستان تحریک انصاف کی حکومت کے وفاقی وزیرتوانائی نے ایوان میں اظہار خیال کرتے ہوئے  کہا ہے کہ سب کو یاد ہے کہ ذوالفقار علی بھٹو ایوب خان کو ’’ڈیڈی‘‘ کہا کرتے تھے، انہوں نے کہا کہ سب جانتے ہیں کہ الذوالفقار گروپ کس

نے بنایا تھا اور امریکہ میں ایک غدار کو کس نے سفیر لگایا تھا۔ عمر ایوب نے کہا کہ ہم کسی کو بھی وزیراعظم عمران خان کی توہین نہیں کرنے دیں گے۔واضح رہے بلاول بھٹو زرداری نے قومی اسمبلی میں اجلاس کے دوران کہا تھا کہ عمران خان سلیکٹڈ وزیراعظم ہیں اور انہوں نے مان لیا ہے کہ ہم سے غلطی ہوئی، ہم میں اہلیت نہیں، ہم نے 8مہینے ضائع کیے، کسانوں ، غریبوں کا معاشی قتل کردیا، ملک مہنگائی کی سونامی میں ڈوب گیا ہے۔