اسلام آباد (مانیٹرنگ ڈیسک) اسد عمر کے وزارت خزانہ کے عہدے سے استعفیٰ دینے کے بعد چار امیدواروں کے نام زیر گردش تھے لیکن ایک نجی ٹی وی چینل کے ذرائع کا کہنا ہے کہ وزیر خزانہ کا قلمدان حفیظ شیخ کو دیے جانے کا امکان ہے، وزیراعظم ہاؤس کے ذرائع کا کہنا ہے کہ پانچ وزراء کے قلمدان تبدیل کیے جا رہے ہیں،
اس سلسلے میں وزیراعظم عمران خان کی کابینہ میں ردوبدل سے متعلق مشاورت مکمل ہو گئی ہے، علی امین گنڈا پور کو وزارت سے ہٹانے کا فیصلہ کیا گیا ہے، عمر ایوب توانائی کی وزارت پر قائم رہیں گے، اعجاز شاہ کو وزارت داخلہ بنائے جانے کا امکان ہے۔وزارتیں تبدیل کرنے کا حتمی اعلان وزیراعظم خود کریں گے۔
