اسلام آباد(اے این این)ملک بھر میں 4ہزار863افراد کے بینک اکائونٹس منجمد کردیئے گئے ،اکائونٹس میں موجود 13 کروڑ60لاکھ روپے ضبط کرلئے گئے ۔ نیشنل کانٹر ٹیررازم اتھارٹی(نیکٹا)کے مطابق ملک بھر میں 4863 افراد کے بینک اکائونٹس منجمد کردیے گئے ہیں۔نیکٹا کی رپورٹ کے مطابق اسٹیٹ بینک نے منجمد اکائونٹس سے 13 کروڑ 60 لاکھ روپے ضبط کرلیے۔رپورٹ میں

مزید بتایا گیا ہے کہ ملک بھر سے مزید 178 افراد کا نام فورتھ شیڈول میں شامل کیا گیا، ان تمام افراد کے نام سیکیورٹی اداروں کی اطلاع پر شامل کیے گئے جب کہ دہشتگردی ایکٹ کے تحت اس وقت 8307 افراد فورتھ شیڈول میں شامل ہیں۔رپورٹ کے مطابق 69 تنظیموں کو کالعدم قرار دیا گیا ہے اور 2 کی نگرانی کی جارہی ہے جب کہ نام بدل کرکام کرنے والی 20 سے زائد تنظیموں کے خلاف بھی کارروائی کی گئی ہے۔