اسلام آباد(مانیٹرنگ ڈیسک)ڈالر کی قیمت بڑھنے کے ساتھ کاغذ کی قیمت میں بھی اضافہ، درسی کتب سمیت تمام کتابوں اور کاپیوں کی قیمت میں 8 سے 12فی صد اضافہ ہوگیا۔ نجی ٹی وی کےمطابق 80روپے کلومیں فروخت ہونے والے کاغذ کی قیمت 120 روپے کلو کے قریب ہو چکی ہے ۔
جس کے باعث کتب کی قیمتوں میں اضافہ ہوا ہے۔کاغذکی قیمتوں میں اضافے سے کاپیوں اور سٹیشنری کی قیمتوں میں بھی اضافہ ہوا ہے۔ کاغذ کی قیمتوں میں اضافے سے کتب کی قیمتوں میں 12 فی صد تک اضافہ ہو ا ہے۔موجودہ صورتحال پر والدین میں تشویش کی لہر دوڑ گئی ہے ۔