اسلام آباد (این این آئی)بھارت کے بالا کوٹ پر فضائی حملہ کرنے کے دعویٰ کا پول ایک بار پھر کھل گیا ہے۔ یورپی خلائی ادارے نے بھارتی دعوے کی ایک دن بعد کی مزید بہتر تصاویر جاری کر دیں۔یورپی خلائی ادارے کی جانب سے جاری کردہ تصاویر کے مطابق واقعہ میں کوئی عمارت تباہ نہیں ہوئی اور تمام بم کھلے علاقے میں گرائے گئے۔بھارتی میڈیا کی جانب سے دعوی ٰ
کیا جا رہا ہے کہ کچھ بھارتی فوجی افسران نے بتایا کہ بالاکوٹ میں اسرائیلی ساختہ سپائس 2000″ بم کا استعمال کیا گیا۔ یہ بم گائیڈنس کے ساتھ چار سو کلو سے زائد بارودی مواد لے کر 60 کلومیٹر تک ہدف کو نشانہ بنا سکتا ہے۔بھارتی طیاروں نے اپنے آپ کو بچانے کیلئے عجلت میں پے لوڈ سے جان چھڑائی اور اس پے لوڈ میں شامل یہ بم جنگل میں گرے۔
