اسلام آباد(مانیٹرنگ ڈیسک) اِس جمعے کو نیوزی لینڈ کے تمام شہری مسلمانوں کو خراج عقیدت پیش کریں۔وزیراعظم جیسنڈا آرڈرن کی اپیل ، عالمی میڈیا رپورٹس کے مطابق وزیر اعظم نیوزی لینڈ  نے پریس کانفرنس کرتے ہوئے بتایا کہ جمعے کو اذان ریڈیو اور ٹیلی ویژن سے براہِ راست نشر کی جائیگی۔اس کے علاوہ نیوزی لینڈ میں 2 منٹ کی خاموشی بھی اختیار کی جائے گی ہماری خواہش ہے کہ مسلم کمیونٹی کو سپورٹ کریں تاکہ وہ مسجدوں میں واپس آئیں خاص طور پر

جمعے کو۔دریں اثنا نیوزی لینڈ کی وزیر اعظم نے حملے کے بعد سب سے پہلے جائے وقوع پہنچنے والے اہل کاروں سے ملاقات کی اور ان کی حوصلہ افزائی کی۔اس موقع پر انہوں نے کہا کہ ملک میں ایسی فضا بنانا ہوگی جہاں تشدد پروان نہ چڑھ سکے۔جیسنڈا آرڈرن کرائسٹ چرچ میں کشمیری ہائی سکول بھی گئیں، شہداء میں سے کئی افراد کا تعلق اس سکول سے تھا۔واضح رہے کرائسٹ چرچ کی مساجد پر ہونے والے حملوں میں 50سے زائد نمازی شہید ہو گئے تھے ۔

موضوعات:سانحہ نیوزی لینڈ