اسلام آباد (مانیٹرنگ ڈیسک )سانحہ نیوزی لینڈمیں شہید ہونے والے پاکستانیوں کی تعداد 9 ہو گئی جبکہ ایک اور پاکستانی کی حالت تشویشناک ہے ۔نجی ٹی وی کے مطابق وزیراعظم عمران خان نے پیغام جاری کرتے ہوئے کہاہے کہ کرائسٹ چرچ حملے میں شہید ہونے والے پاکستانیوں کے اہل خانہ کے ساتھ

کھڑے ہیں اور ہمارا مکمل تعاون ان کے ساتھ ہے ، پاکستان کو میاں نعیم راشد پر فخر ہے جو کہ سفید فام دہشتگرد کو پکڑنے کی کوشش کرتے ہوئے شہید ہو گئے ، بہادری کی ایسی مثال قائم کرنے پر انہیں نیشنل ایوارڈ سے نوازا جائے گا ۔واضح رہے کہ اس خوفناک واقعے میں 50افراد شہید ہو گئے تھے۔