پشاور(سی پی پی )پشاور ہائیکورٹ نے نیب کو امیرمقام کو بغیروارنٹ کے گرفتارکرنے سے روک دیا۔تفصیلات کے مطابق پشاور ہائیکورٹ میں صوبائی صدر مسلم لیگ (ن) امیر مقام کی ضمانت قبل ازگرفتاری کی سماعت ہوئی،وکیل امیر مقام نے کہا کہ نیب میں امیر مقام کیخلاف اثاثہ جات کی انکوائری چل رہی ہے، نیب کو وارنٹ کے بغیر گرفتار کرنے سے روکا جائے۔

وکیل درخواست گزارکا کہناتھا کہ نیب لوگوں کو انکوائری کیلئے بلا کرگرفتار کرلیتا ہے۔نیب پراسیکیوٹر نے کہا کہ نیب نے وارنٹ جاری نہیں کیا،ابھی انکوائری چل رہی ہے، عدالت نے نیب کو امیر مقام کی بغیروارنٹ کے گرفتاری سے روک دیا،عدالت نے کہا کہ نیب انکوائری کرے،گرفتارکرناہے تو10دن پہلے وارنٹ جاری کرے،عدالت نے آئندہ سماعت پر نیب سے جواب بھی طلب کرلیا۔