اسلام آباد(مانیٹرنگ ڈیسک)بھارتی وزیر اعظم نریندر مودی نےان اپوزیشن جماعتوں پر تنقید کے تیر برسا دیے جو پاکستان کے علاقے بالاکوٹ میں بھارتی فضائیہ کے حملے کے ثبوت مانگ رہی ہیں۔ انتخابی ریلی سے خطاب کرتے ہوئے بھارتی وزیراعظم نے کہا کہ ایئر اسٹرائیک پاکستان میں کی لیکن صدمہ بھارت میں بیٹھے کچھ لوگوں کو لگا ہے۔ انہوں نے کہا کہ بھارت نے پلوامہ حملے کا بھرپور جواب دیا اور پاکستان
میں دہشت گردوں کے ٹھکانے کیخلاف کارروائی کی۔ انہوں نے کہا کہ پاکستان کو پیغام دیدیا ہے کہ اگر معاملات بہتر نہ کیے تو اسے سنگین نتائج بھگتنا ہوں گے۔ نریندر مودی کامزید کہنا تھا کہ اپوزیشن والے پاکستان کی حمایت میں مہا ملاوٹ کر رہے ہیں، یہ لوگ بھارت کیلئے نہیں بلکہ پاکستان کیلئے کام کر رہے ہیں۔واضح رہے کہ بالاکوٹ حملے کے بعد مودی پر ثبوت دکھانے کیلئے دبائو میں دن بہ دن اضافہ ہورہا ہے۔
