نئی دہلی(اے ایف پی) بھارتی میڈیا نے ایک اور پروپیگنڈہ کرتے ہوئے دعویٰ کیا ہےکہ بھارتی فضائیہ نے پاکستان سے سرحد پار کرنے والے ڈرون کو مار گرایا ہے جبکہ خود بھارتی حکام کی جانب سے اس دعوے کی کوئی تصدیق نہیں کی گئی۔ غیر ملکی خبررسا ں ادارے کے

مطابق بھارتی میڈیا نے دعویٰ کیا ہےکہ ایک بھارتی سو خوئی 30جنگی طیارے نے ریاست را جستھان کے شمالی علاقے بکانیر میں ایک ڈرون مار گرایا ہے۔دوسری جانب غیرملکی خبررساں ادارے نے ہی کہا ہےکہ دونوں جانب سے حکام نے اس واقعے کی تصدیق نہیں کی۔