کراچی(اے این این)سول ایوی ایشن نے ملک بھر کے تمام ائر پورٹس پر اندرون وبیرون ملک سفر کرنے والوں کے لیے شناختی کارڈ ڈرائیونگ لائسنس یا پاسپورٹ رکھنا لازم قرار دے دیا۔سول ایو ی ایشن اتھارٹی نے سیکورٹی خدشات کے پیش نظر نیا اعلامیہ جاری کر دیاہے۔ ملک بھر کے تمام ائر پورٹس کے داخلی راستوں پر مسافر یا ان کے ساتھ آنے والے لواحقین کے لیے شناخت کروانا لازم قرار دے دیاگیا۔
سول ایوی ایشن نے تین آ پشن میں سے شناخت کرانا لازم قرار دیاہے ۔ ڈرائیونگ لائسنس، پاسپورٹ یا شناختی کارڈ مسافروں اور ائر پورٹ پر آنے والے تمام افراد کو ضرور ساتھ رکھنے کے لیے باقاعدہ اخبار اشتہاربھی جاری کر دیا ہے۔ترجمان سول ایوی ایشن نے ڈی جی سول ایو ی ایشن کی ہدایت پر شناخت کے وقت داخلی راستوں اور دوران سفر یہ تین چیزوں میں ایک لازم قرار دے دی۔
