لاہور ( این این آئی)سابق وزیر اعظم و مسلم لیگ (ن) کے قائد محمد نواز شریف نے کہا ہے کہ ہماری حکومت نے پاکستان کو کہاں چھوڑا اور آج معیشت کہاں جا پہنچی ،ملکی حالات دیکھ کر دل خون کے آنسو روتا ہے ۔ نجی ٹی وی کے مطابق یہ باتیں انہوں نے جمعرات کے روز ملاقات کرنے والے پارٹی کے مرکزی رہنماؤں سے گفتگوکرتے ہوئے کیں۔ نواز شریف نے کہا کہ ملکی ترقی کا اچھا صلہ دیا
جا رہا ہے،سکیورٹی کے نام پر بیرک میں بند کر دیا گیا ہے ۔ انہوں نے کہاکہ پاکستان کو کہاں چھوڑا ور آج معیشت کہاں جا پہنچی ہے،ملکی حالات دیکھ کر دل خون کے آنسو روتا ہے۔انہوں نے سہیل ضیاء بٹ سے کہا کہ آپ بھی جیل میں رہے ہیں ،یہاں لوگ آپ کی بڑی تعریف کرتے ہیں ۔ لگتا ہے کہ جیل میں اچھا وقت گزاراہے ۔جس پر سہیل ضیاء بٹ نے کہا کہ جیل میں وقت کہاں اچھا گزرتا ہے ۔
