اسلام آباد(مانیٹرنگ ڈیسک) وزیر اعظم عمران خان کے خلاف  ڈیرہ غازی خان میں بینرزلگا دئیے گئے ۔تفصیلات کے مطابق  وزیر اعظم عمران خان کے خلاف ڈیرہ غازی خان کی سڑکوں پر بینرز لگا دئیے گئے ۔ان بینرز پر طنزیہ نعرے درج ہیں جبکہ ان بینرز کو نامعلوم افراد کی جانب سے آویزاں کیا گیا ہے۔ان بینر پر طنزیہ انداز میں وزیر اعظم عمران خان کو تنقید کا نشانہ بنایا گیا ہے۔بینرز پر وزیر اعظم عمران خان بے روزگاری کے لیے شکریہ

، وزیر اعظم عمران خان نئے پاکستان کے جھوٹے وعدوں کے لیے شکریہ۔کسی بینر پر لکھا گیا ہے کہ کاروبار بند کرنے کے لیے وزیر اعظم کا شکریہ اور کسی پر یہ تحریر کیا گیا ہے کہ ہم مہنگائی کا طوفان لانے پر وزیر اعظم کا شکریہ ادا کرتے ہیں۔تاہم ان بینرز پر کسی بھی سیاسی جماعت کا نام درج نہیں ہے اور نہ ہی یہ  پتہ چلایا جا سکا ہے کہ یہ بینرز کس نے لگائے ہیں،واضح رہے کہ موجودہ حکومت کی پالیسیوں کے باعث  عوام میں بے چینی پائی جاتی ہے ۔