اسلام آباد(نیوز ڈیسک)وزیراعظم کی زیر صدارت اجلاس میں وفاقی کابینہ نے سیکیورٹیز اینڈ ایکسچینج کمیشن آف پاکستان کی چیئرمین شپ کیلئے فرخ سبزواری کے نام کی منظوری دے دی۔وزیراعظم عمران خان کی زیرصدارت وفاقی کابینہ کے اجلاس کے دوران کئی اہم فیصلے کیے گئے۔کابینہ کے فیصلوں
سے متعلق میڈیا کو بتاتے ہوئے وفاقی وزیر اطلاعات فواد چوہدری نے کہا کہ فرخ سبزواری کو چیئرمین ایس ای سی پی بنانے کی کابینہ نے منظوری دے دی ہے۔فرخ سبزواری نے 1994 میں آئی بی اے سے ایم بی اے کیا . انہیں مقامی اور بین الاقوامی فنانشل مارکیٹس میں کام کا وسیع تجربہ ہے۔
