اسلام آباد (نیوزڈیسک) قومی احتساب بیورو (نیب )نے فلیگ شپ کیس سابق وزیراعظم میاں محمد نواز شریف کی بریت کے فیصلے کیخلاف اپیل دائر کرنے کا فیصلہ کیا ہے ۔ پیر کو قومی احتساب بیورو کے چیئرمین جسٹس (ر )جاوید اقبال کی سربراہی میں نیب ہیڈ کوارٹر اسلام آباد میں ایک اجلاس منعقدہ ہوا جس میں نیب کے سینئر قانونی ماہرین ، متعلقہ ڈی جیز اور سینئر افسران نے شرکت کی۔ اجلاس میں
تفصیلی مشاورت کے بعد فلیگ شپ کیس میں معزز احتساب عدالت اسلام آباد کے فیصلے کیخلاف نیب نے اپیل دائر کرنے کا فیصلہ کیا ۔ اس موقع پر چیئرمین نیب نے قانونی ٹیم کو ہدایت کی کہ مکمل تیاری ٹھوس شواہد اور قانون کے مطابق فلیگ شپ کیس میں معزز احتساب عدالت اسلام آباد کے فیصلہ کی مصدقہ نقل حاصل کر کے نواز شریف کی بریت کے فیصلے کیخلاف بروقت اپیل دائر کی جائے ۔
