اسلام آباد (مانیٹرنگ ڈیسک) سابق وزیراعظم نواز شریف کے خلاف آج العزیزیہ اور فلیگ شپ ریفرنس کا فیصلہ سنا دیا گیا ہے۔ جج ارشد ملک نے سابق وزیراعظم کے خلاف دونوں ریفرنسز کا فیصلہ سناتے ہوئے العزیزیہ میں انہیں 7سال قید اور ڈیڑھ ارب روپے اور 2.5ملین ڈالر جرمانے کی سزا سنائی ہے۔ جبکہ فلیگ شپ ریفرنس میں
عدالت نے انہیں بری کر دیا ہے۔احتساب عدالت نے العزیزیہ ریفرنس میں سابق وزیراعظم نواز شریف کی تمام جائیداد ضبط کرنے کا بھی حکم دیا ہے ۔ نواز شریف کو 7سال قید بامشقت کی سزا سنائی گئی ہے۔ نواز شریف آج رات اڈیالہ جیل میں گزاریں گے جس کے بعد انہیںصبح کوٹ لکھپت جیل لاہور منتقل کر دیا جائیگا۔
