اسلام آباد (مانیٹرنگ ڈیسک)سندھ ہائیکورٹ نے عارف علوی کے صدر پاکستان منتخب ہونے کے خلاف درخواست فوری سماعت کیلئے منظور کر لی، فریقین کو یکم جنوری تک جواب جمع کرانے کا حکم۔ تفصیلات کے مطابق سندھ ہائیکورٹ میں عارف علوی کے صدر پاکستان منتخب ہونے کے خلاف درخواست کی سماعت ہوئی، درخواست گزار نے اپنی درخواست میں مؤقف اختیار کیا کہ کیونکہ عارف علوی نے عدالتی ریکارڈ میں ٹیمپرنگ کی ہے اور
عارف علوی علویہ ٹرسٹ کے ”شریک ٹرسٹی“ہیں،1977سے زیر سماعت کیس میں عارف علوی نے 3بارحلف نامے میں غلط بیانی کی ہے۔ عدالتی ریکارڈ میں ٹمپرنگ کرنیوالا شخص صدر پاکستان نہیں بن سکتا ، عدالت فوری طور پر درخواست کو سماعت کیلئے منظور کرے۔ عدالت نے درخواست گزار کا مؤقف سننے کے بعد درخواست کی فوری سماعت کی استدعا منظور کرلی اور فریقین کو یکم جنوری تک جواب جمع کرانے کا حکم دیدیاہے۔
