اسلام آباد (نیوز ڈیسک) نوازشریف کے خلاف مقدمے ختم کرو ورنہ تمہارے ساتھ ایس پی طاہر داوڑ جیسا سلوک ہو گیا، نیب کو دھمکی آمیز خط موصول ہوگیا، یاد رہے کہ سابق وزیراعظم میاں محمد نواز شریف کے خلاف العزیزیہ اور فلیگ شپ ریفرنسز کا فیصلہ محفوظ ہو چکا ہے اور بروز پیر 24 دسمبر کو سنایا جائے گا لیکن مقدمہ سنانے سے پہلے ہی نیب کو دھمکی آمیز خط موصول ہو گیا جس میں میاں نوازشریف کے خلاف

مقدمات ختم کرنے کا کہا گیا ہے، معروف صحافی انعام اللہ خٹک نے اپنے ٹویٹ میں اس خط کے بارے انکشاف کرتے ہوئے لکھا کہ ’’نواز شریف کے خلاف مقدمات ختم کرو ورنہ آپ کا حشر شہید ایس پی طاہر داوڑ جیسا ہوگا، چیئرمین نیب کے نام گمنام خط‘‘۔ انہوں نے اپنے ٹویٹ میں مزید لکھا کہ ’’نیب نے خط بھیجنے والے کو لاہور سے گرفتار کر لیا، آج انسداد دہشت گردی کی عدالت میں پیش کرنے کا امکان ہے‘‘۔