خواتین وحضرات ۔۔(بری) کے دور میں آج ملک کو دو خوشخبریاں ملیں‘ پہلی خوشخبری برٹش ائیرویز نے دس سال کے تعطل کے بعد پاکستان کیلئے فلائٹ آپریشن شروع کرنے کا اعلان کر دیا‘ اگلے سال جون سے فلائیٹس شروع ہو جائیں گی‘ برٹش ائیرویز نے 20 ستمبر 2008ء کو میریٹ بم دھماکے کے بعد پاکستان کیلئے فلائیٹس بند کردی تھیں‘ فلائیٹس کی بندش کی وجہ سے پاکستان کا بین الاقوامی امیج بری طرح متاثر ہوا اور یہ فضائی تنہائی کا شکار ہوتا چلا گیا‘ برٹش ائیر ویز کا آج کا ۔۔

اعلان پوری دنیا کیلئے منادی ہے پاکستان دہشت گردی کے عفریت کو شکست دے چکا ہے اور ملک اب (مکمل) طور پر محفوظ ہے‘ میں آج کی کامیابی پر حکومت کو مبارکباد پیش کرتا ہوں‘ یہ قدم واقعی قابل تعریف ہے ۔۔لیکن (مبارک) کا اصل لمحہ(اس) دن آئے گا جب پی آئی اے ٹیک آف کرے گی‘ پی آئی اے۔۔ اس وقت بھی چار سو ارب روپے کی مقروض ہے‘ ۔۔اس کا ماہانہ خسارہ 2 ارب روپے ہے‘ یہ رقم روزانہ کے حساب سے سات کروڑ روپے بنتی ہے اور یہ تمام ۔۔اہم سٹیشن بند کرتی چلی جا رہی ہے‘ حکومت نے جس دن پی آئی اے کا پہیہ چالو کر دیا اصل جش (اس) دن ہو گااور دوسری خوشخبری بسنت ہے‘ پنجاب میں ۔۔اس سال بسنت منائی جائے گی‘ یہ بھی ایک اچھی خبر ہے اور میں۔۔اس پر بھی حکومت کو مبارکباد پیش کرتا ہوں۔ ہم آج کے موضوع کی طرف آتے ہیں حکومت اور اپوزیشن دونوں پر پریشر میں ۔۔اضافہ ہو رہا ہے‘ چیئرمین نیب نے آج اپوزیشن کے ساتھ ملاقات کیلئے رضامندی دے دی‘ اپوزیشن کی چار جماعتوں نے 14 دسمبرکو چیئرمین سے ملاقات کیلئے نیب کو خط لکھا تھا‘ چیئرمین نے ملاقات کیلئے حامی بھر لی‘ یہ ملاقات بہت اہم ہو گی کیونکہ ۔۔اس کے بعد نیب حکومت اور اپوزیشن دونوں کا پلڑا برابر کرنے پر مجبور ہو جائے گا‘ حکومت کے لوگ بھی پکڑے جائیں گے‘کیا گورنمنٹ ۔۔اس کیلئے تیار ہے‘ یہ ہمارا آج کا ایشو ہوگا جبکہ مستقبل قریب میں حکومت کی پرفارمنس پر سوالیہ نشان‘ اپوزیشن کا اتحاد اور نیب کی گرفتاریاں ‘سیاست میں یہ تین نئے عناصر متعارف ہوں گے‘ زیادہ بڑا کردار کون سا ایلیمنٹ ادا کرے گا‘ ہم یہ بھی ڈسکس کریں گے‘ ہمارے ساتھ رہیے گا۔