اسلام آباد ( آن لائن) وفاقی وزیر فیصل واوڈانے کہاہے کہ قومی اسمبلی اور پنجاب اسمبلی میں مسلم لیگ ن کے فارورڈ بلاک تین ماہ میں بن جائیں گے (ن) لیگ کے ایم کیو ایم سے زیادہ ٹکڑے ہونگے۔نجی ٹی وی سے گفتگو کرتے ہوئے وفاقی وزیر فیصل واوڈا نے کہا کہ مسلم لیگ ن میں فارورڈ بلاک بن رہاہے قومی اسمبلی اور پنجاب اسمبلی میں بھی فارورڈ بلاک بنے گا۔(ن) لیگ کے ایم کیوایم سے زیادہ ٹکڑے ہونگے ۔اتحادی جماعتیں

حکومت کے ساتھ ہیں اور کہیں نہیں جارہیں،عابد شیر علی جس پراپرٹی کا ذکر کررہے ہیں وہ میں پہلے ہی بتا چکاہوں جتنی قیمت عابد شیر علی نے بتائی ہے اس سے آدھی قیمت میں مجھ سے وہ پراپرٹی خرید لیں،آصف زرداری نے 11سال سزاکاٹی ہے اور وہ دوسروں کی طرح معاہدہ کرکے ملک سے باہر نہیں گئے ایک گناہ کی دومرتبہ سزا نہیں ہوسکتی۔ آصف زرداری اور بلاول بھاگیں گے نہیں بلکہ مقدمات کاسامنا کریں گے۔