اسلام آباد (نیوز ڈیسک) قوم تیار رہے، اگلے دس پندرہ دنوں میں کچھ لوگوں کی جمہوریت خطرے میں پڑنے والی ہے، معروف صحافی کالم نویس و تجزیہ کار ارشاد بھٹی نے وزیراعظم عمران خان سے ملاقات کی، انہوں نے اپنی ملاقات کا احوال اپنے ٹوئٹر پیغام میں کچھ یوں لکھا کہ ’’آج وزیراعظم سے ملاقات ہوئی، پرعزم، فائیٹنگ موڈ میں تھے، جو کچھ انہوں نے بتایا، وہ تو آف دی ریکارڈ۔۔ ہاں اتنا ضرور سن لیں،
وہ بھی ان کے اپنے الفاظ میں کہ ’’قوم تیار رہے، اگلے دس پندرہ دنوں میں کچھ لوگوں کی جمہوریت خطرے میں پڑنے والی ہے‘‘۔ اس پیغام سے یہ ظاہر ہوتا ہے کہ وزیراعظم نے آئندہ دس سے پندرہ دنوں میں بڑی گرفتاریوں کا عندیہ دے دیا، ذرائع کا کہنا ہے کہ سابق وزیراعظم میاں نواز شریف اور آصف علی زرداری کی گرفتاری کے آنے والے دنوں میں واضح امکانات ہیں۔
