اسلام آباد(مانیٹرنگ ڈیسک)وفاقی دارالحکومت اسلام آباد کے تھانہ سہالہ  کی حدود میں 2 قبضوں گروپوں کے درمیان  شدید فائرنگ ،بدنام زمانہ شیرپنجاب شخص جاں بحق ۔فائرنگ سے علاقے میں خوف و ہراس پھیل گیا،لوگ اپنے گھروں میں محصور ہوکر رہ گئے۔نجی ٹی وی  کے مطابق اسلام آباد کے تھانہ سہالہ کی حدود میں اس وقت شدید فائرنگ جاری ہے۔تھاناسہالہ کے علاقے میں قبضہ گروپوں

کے درمیان فائرنگ کا تبادلہ ہو رہا ہے۔فائرنگ کے نتیجے میں قبضہ گروپ کا اہم شخص شیر پنجاب مارا گیا۔فائرنگ سے 2 افراد شدید زخمی ہوگئے۔یاد رہے راجہ آصف عرف شیر پنجاب کو کچھ عرصہ قبل بھی گرفتار کیا گیا تھا۔ذرائع کے مطابق پولیس کی بھاری نفری موقع پر پہنچ گئی لیکن فائرنگ کا سلسلہ جاری ہے۔ جس کی وجہ سے لوگ گھروں میں محصور ہو کر رہ گئے ہیں۔