اسلام آباد (این این آئی)بلوچستان سے پشتونخواہ ملی عوامی پارٹی کے رکن سینیٹ سردار اعظم موسی خیل انتقال کر گئے ۔ تفصیلات کے مطابق پشتونخواہ ملی عوامی پارٹی کے رکن سینیٹ سردار اعظم موسی خیل انتقال کر گئے ہیں۔ سینیٹر سردار اعظم موسی خیل شدید علالت کے باعث کراچی کے ہسپتال میں کئی دن زیر علاج رہے ، ان کی تدفین موسی خیل میں تدفین کی جائیگی ۔قائمقام صدر صادق سنجرانی نے اعظم موسیٰ ٰخیل
کے انتقال پر گہرے دکھ اور افسوس کا اظہار کرتے ہوئے کہاہے کہ اعظم موسیٰ خیل نہ صرف سینیٹ میں بلوچستان کے عوام کی موثر آواز تھے بلکہ ملک کی جمہوری اقدار کے پاسدار تھے۔ان کے خاندان سے اظہار تعزیت کرتے ہوئے صادق سنجرانی نے کہا کہ ملک اور جمہوریت کے لئے ان کی خدمات کو ہمیشہ یاد رکھا جائیگااور ہم دکھ کی اس گھڑی میں سوگوار خاندان کے غم میں برابر کے شریک ہیں۔
