اسلام آباد(آن لائن) سانحہ ماڈل ٹاؤن، گاڑیوں کی توڑپھوڑ میں ملوث گلو بٹ کا سپریم کو رٹ کے باہر پاکستان تحریک انصاف کے سربراہ ڈاکٹر طاہر القادری سے مصافحہ ، بغل گیر ہونے کی کوشش پر اہلکاروں اور کارکنوں نے پیچھے دھکیل دیا۔ تفصیلات کے مطابق بدھ کے روز سپریم کو رٹ میں سانحہ ماڈل ٹاؤن کیس کی سماعت کا جب آغاز ہو ا تو سماعت سے قبل جونہی ڈاکٹر طاہرالقادری سپریم کورٹ میں پیش ہونے کیلئے عدالتی دروازے کے اند ر داخل
ہو نے لگے تو اس موقع پر سانحہ ماڈل ٹاؤن میں گاڑیوں کی توڑ پھوڑ اور دیگر املاک کو نقصان پہنچانے کے الزام میں ملزم گلو بٹ بھی آ ٹپکے اور موقع پاتے ہوئے ڈاکٹر طاہرالقادری سے مصافحہ کیا لیکن انہوں نے مصافحہ پر اکتفا نہ کیا اور بعدازاں ڈاکٹر طاہر القادری سے بغل گیر ہونے کی کوشش کی تاہم ان کی ان سے بغل گیر ہونے کی کوشش کارآمد ثابت نہ ہوئی اس موقع پر موجود اہلکاروں اور پی اے ٹی کارکنوں نے بڑے غصے سے انہیں پیچھے دھکیل دیا ۔
