اسلام آباد (نیوز ڈیسک) وزیراعظم عمران خان نے کہا ہے کہ دیسی مرغیوں سے غربت مٹانے کی بات کریں تو غلامانہ ذہنیت والے تمسخر اڑاتے ہیں اور جب یہ ہی کام ولایتی دیسی مرغی اور غربت کی بات کریں تو خوب واہ واہ کرتے ہیں۔
سماجی رابطے کی ویب سائٹ ٹوئٹر پر اپنے ایک پیغام میں مرغی اور انڈے پر سوشل میڈیا پر گرم بحث کے ردعمل میں وزیراعظم عمران خان نے بھی خاموشی توڑ تے ہوئے کہا ہے کہ جب دیسی مرغیوں سے غربت مٹانے کی بات کریں تو غلامانہ ذہنیت رکھنے والے تمسخر اڑاتے ہیں اور جب یہ ہی کام ولایتی دیسی مرغی اور غربت کی بات کریں تو خوب واہ واہ کرتے ہیں۔ انہوں نے ساتھ ہی دنیا کے امیر ترین شخص بل گیٹس کی وہ رپورٹ بھی شیئر کی جس میں غربت مٹانے کے طریقے کی تفصیل بتائی گئی تھی۔رپورٹ کے مطابق 2016 میں مائیکروسافٹ کے مالک اور انسان دوست ارب پتی بل گیٹس نے افریقہ میں غریب خاندانوں کو مدد دینے کے لیے ایک لاکھ مرغیاں تقسیم کرنے کا اعلان کیا تھا اور کہا تھا کہ مرغیوں کو پالنے اور بیچنے سے غربت کو کم کرنے میں مدد مل سکتی ہے۔ عمران خان کے اس بیان کے بعد سوشل میڈیا پر بل گیٹس کی ویڈیو وائرل ہو گئی۔ دنیا کے امیر ترین شخص بل گیٹس کے مطابق ایک کاشت کار پانچ مرغیاں پال کر سالانہ 1000 ڈالر کما سکتا ہے ، جن خاندانوں کی سالانہ آمدنی 700 ڈالر سے کم ہو ایسے خاندانوں کو خط غربت سے نیچے تصور کیا جاتا ہے، بل گیٹس نے کہا کہ وہ سب صحارا کے تیس فیصد دیہی خاندانوں کو اچھی نسل کی ایسی مرغیاں مہیا کریں گے جنہیں بیماریوں سے بچاؤ کے ٹیکے بھی لگے ہوئے ہوں گے۔وزیراعظم عمران خان نے بھی تو یہی کچھ کہا تھا لیکن ان کا اپوزیشن سمیت سوشل میڈیا پر بھی تمسخر اڑایا گیا۔
