لاہور ( این این آئی) چیف جسٹس آف پاکستان جسٹس میاں ثاقب نثار نے چنیوٹ میں سرکاری ہسپتال کی زمین پٹرول پمپ کو دس روپے مرلہ لیز پر دینے کا نوٹس لے لیا ۔چیف جسٹس نے پنجاب حکومت اور محکمہ اوقاف سے 8 دسمبر کو رپورٹ طلب کر لی ۔درخواست گزار نے موقف اختیار کیا تھا کہ چنیوٹ میں شیخ فضل الٰہی ٹرسٹ ہسپتال کی زمین 1990ء میں دس روہے مرلہ لیز پر دی گئی،جو زمین لیز

پر دی گئی وہ ہسپتال کی ایمرجنسی کا حصہ ہے ،بیس سالہ لیز ختم ہونے کے باوجود پٹرول پمپ بدستور کام کر رہا ہے ،ہسپتال کی اربوں کی زمین پلازہ بنانے کے لیے تین کروڑ میں فروخت کی گئی۔ہسپتال کی زمین کے کمرشل استعمال سے جنیوٹ کے عوام شدید مشکلات کا شکار ہیں ۔استدعا ہے کہ چیف جسٹس معاملے کا نوٹس لے کر ہسپتال کی زمین واپس دینے کے احکامات جاری کریں ۔