راولپنڈی (آن لائن)سکیورٹی فورسز نے خفیہ اطلاع پر ڈی آئی خان میں آپریشن کیا جس میں 6 شہریوں کو یرغمال بنانے والا مطلوب دہشتگرد حکیم ہلاک جبکہ 4 سکیورٹی اہلکار زخمی ہو گئے۔ آئی ایس پی آر کے مطابق ہفتہ کے روز سکیورٹی فورسز نے آپریشن ردالفساد کے تحت ڈیرہ اسماعیل خان کی تحصیل درابن کے نواحی علاقے موچی وال میں خفیہ اطلاع پر آپریشن کیا اور آپریشن کے
دوران اپنی مذموم مقاصد کے لئے 6 شہریوں کو یرغمال بنانے والا مطلوب دہشتگرد حکیم ہلاک ہو گیا جبکہ اس کی جوابی فائرنگ سے 4 سکیورٹی اہلکار بھی زخمی ہوئے ۔ جنہیں ابتدائی طبی امداد کے لئے ڈی ایچ کیو ہسپتال منتقل کر دیا گیا ۔آپریشن میں 6 مغویوں کو با خیریت بازیاب کرا لیا گیا جبکہ دہشتگرد کے قبضے سے آٹو میٹک ہتھیاروں سمیت گرنیڈ قبضے میں لے لیے گئے ۔
