اسلام آباد(مانیٹرنگ ڈیسک)اسلام آباد میں فساد اور تخریب کاری کی غرض سے آنے والے 2 دہشتگرد روات چوک سے گرفتار کر لئے گئے ۔ ملزمان کے قبضے سے 2 کلاشنکوفیں ، پسٹلز ، میگزینز اور دیگر اسلحہ برآمد کر لیا گیا ۔ تفصیلات کے مطابق ہفتہ کے روز اسلام آباد پولیس نے خفیہ اطلاع پر روات ٹی چوک پر ایک کالی گاڑی YD-675 کو تلاشی کے لئے روکا تو گاڑی میں موجود 2 دہشتگردوں کے قبضے

سے بھاری تعداد میں اسلحہ برآمد کر لیا گیا جن میں 2 کلاشنکوف ، پسٹلز ، میگزینز اور دیگر اسلحہ شامل ہے ۔پولیس نے بتایا کہ یہ دونوں دہشتگرد اسلام آباد میں فساد برپا کرنا اور تخریب کاری کے غرض سے آئے تھے جنہیں خفیہ اطلاع پر گرفتار کیا گیا ہے ۔ دونوں ملزمان کو تفتیش کے لئے نامعلوم مقام پر منتقل کر دیا گیا ہے ۔واضح رہے کہ گزشتہ روز دہشتگردوں نے چینی قونصلیٹ پر حملہ کیا تھا جسے ناکام بنا دیا گیا تھا۔