اسلام آباد(مانیٹرنگ ڈیسک)سابق صدر آصف زرداری،حمزہ شہباز سمیت 17 سیاستدانوں کے خلاف منی لانڈرنگ، ناجائزاثاثہ جات اور اختیارات کے ناجائز استعمال سے متعلق انکوائریاں مکمل ہونے کے قریب جس کے بعد گرفتاریاں شروع ہوں گی۔میڈیا رپورٹس  کے مطابق نیب کی جانب سے 17 سیاسی شخصیات کے گرد گھیرا تنگ کر دیا گیا ہے۔

ان 17 سیاستدانوں میں 8 پیپلزپارٹی ، 4ن لیگ ،3 کا تعلق ایم کیو ایم اور2کا تعلق پاکستان تحریک انصاف سے ہے ۔قومی اخبار  میں شائع خبر کے مطابق ان اہم سیاسی شخصیات کیخلاف نہ صرف شواہد مل چکے ہیں بلکہ تفتیش بھی آخری مراحل میں داخل ہو چکی ہے اور اسی ماہ گرفتاریاں بھی متوقع ہیں ۔با وثوق ذرائع کا کہنا ہے کہ ان میں سے جن بڑی شخصیات کی گرفتاریاں متوقع ہیں ان میں سے 5 کا تعلق سندھ سے اور2کا پنجاب سے ہے ۔اس ضمن میں باقاعدہ گرفتاری سے قبل تمام ثبوتوں کو اکٹھا کر کے اہم ترین شخصیات کو بھی مطلع کیا جائے گا ۔ذرائع کے مطابق ان7 1 افراد جن کے حوالے سے انکوائریاں آ خری مراحل میں ہیں ان کے ملک سے باہر جانے کے حوالے سے بھی اداروں کو زبانی احکامات دیئے گئے ہیں کہ اگر ان میں سے کوئی بیرون ملک جانے کی کوشش کرے تو فوراً بتایا جائے ۔ان گرفتاریوں کا کیا ری ایکشن آ ئے گا اس پر بھی اداروں نے کام شروع کر دیا ہے اور اس حوالے سے قانون نافذ کرنے والے اداروں کو پہلے سے تیار رہنے کا کہا جائے گا ۔واضح رہے کہ گزشتہ روز وفاقی وزیر ریلوے شیخ رشید نے پریس کانفرنس کے دوران یہ  دعویٰ کیا تھا کہ جلد بڑی گرفتاریاں متوقع ہیں۔۔