اسلام آباد (این این آئی)وزیر اعظم عمران خان نے کہا ہے کہ پاکستان میں 50 لاکھ گھروں کی تعمیر کے سلسلے میں چین سے سرمایہ کاری لائیں گے ٗ سرمایہ کاروں کی راہ میں حائل رکاوٹیں دور کی جائیں ٗ جنتی زیادہ سرمایہ کاری ہوگی غربت میں اتنی کمی ہوگی ٗسی پیک کے ذریعے پاکستان کا چین کے ساتھ تجارتی تعلقات کا رشتہ مضبوط ہوتا جائیگا جس سے نئے پاکستان کا مقصد پورا ہوگا۔

جمعرا ت کو یہاں تقریب سے خطاب کرتے ہوئے وزیراعظم عمران خان نے کہا کہ ہماری حکومت کا نیا پاکستان کا تصور یہ ہے کہ جن لوگوں کو پاکستان میں نوکریاں نہیں ملتی اور وہ باہر جاتے ہیں انہیں اپنے ملک میں نوکریاں ملنی چاہئیں۔عمران خان نے کہا کہ ہماری حکومت کی پالیسی بہت واضح ہے کہ سرمایہ کاروں کی راہ میں حائل رکاوٹوں کو دور کیا جائے کیونکہ جنتی زیادہ سرمایہ کاری ہوگی غربت میں اتنی کمی ہوگی۔وزیراعظم نے کہا کہ سی پیک کے ذریعے پاکستان کا چین کے ساتھ تجارتی تعلقات کا رشتہ مضبوط ہوتا جائیگا جس سے نئے پاکستان کا مقصد پورا ہوگا۔انہوں نے کہا کہ کاروبار کرنا جتنا زیادہ آسان ہوگا اتنی زیادہ سرمایہ کاری ہوگی جس سے نوجوانوں کو ملازمت کے مزید مواقع ملیں گے۔انہوں نے کہاکہ حکومت نوجوانوں کی راہ میں حائل رکاوٹیں دور کرے گی، جو نوجوان پاکستان سے باہر نوکریاں کرنے جاتے ہیں انہیں ملک میں ہی مواقع دیں گے۔عمران خان نے کہا کہ کہ بیجنگ جاکر چین سے پاکستان میں 50 لاکھ گھروں کی تعمیر کے سلسلے میں چینی سرمایہ کاری لے کر آئیں گے۔وزیراعظم عمران خان نے کہا کہ چین سے جدید ٹیکنالوجی پاکستان منتقل کرنا چاہتے ہیں۔ وزیر اعظم عمران خان نے کہا ہے کہ پاکستان میں 50 لاکھ گھروں کی تعمیر کے سلسلے میں چین سے سرمایہ کاری لائیں گے ٗ سرمایہ کاروں کی راہ میں حائل رکاوٹیں دور کی جائیں ٗ جنتی زیادہ سرمایہ کاری ہوگی غربت میں اتنی کمی ہوگی ٗسی پیک کے ذریعے پاکستان کا چین کے ساتھ تجارتی تعلقات کا رشتہ مضبوط ہوتا جائیگا جس سے نئے پاکستان کا مقصد پورا ہوگا۔