اسلام آباد(مانیٹرنگ ڈیسک)  ضمنی الیکشن میں حکمران جماعت پی ٹی آئی  کو جہاں لاہور کے حلقہ این اے 131 اور حلقہ این اے 124 سے شکست ہوئی وہیں پشاورکے حلقہ پی کے 78 سے بھی ناکامی کا منہ دیکھنا پڑا۔ پشاور کے حلقہ پی کے 78 میں پاکستان تحریک انصاف کی ناکامی کی وجہ بھی سامنے آگئی۔پشاور کے حلقہ پی کے 78 سے پاکستان تحریک انصاف کے عرفان عبدالسلام اور عوامی نیشنل پارٹی کی ثمرہارون بلور کے مابین مقابلہ ہوا۔ ضمنی انتخاب کے لیے کسی مرکزی رہنما نے پاکستان تحریک انصاف کے اُمیدوار کے لیے

مہم نہیں چلائی ۔ پارٹی رہنمائوں کی عدم توجہی اور مہم میں عدم دلچسپی کی وجہ سے ہی پارٹی کو اس حلقے میں بھی شکست کا سامنا رہا ۔دوسری جانب شہید ہارون بلور کی اہلیہ ثمر ہارون نے انتخاب میں حصہ لیا۔بلور خاندان کی پہلی خاتون کا انتخابات میں حصہ لینا بھی عوامی نیشنل پارٹی کی جیت کا سبب بنا۔ ثمر ہارون کو ہمدردی کی بنا پرکافی ووٹس ملے، جبکہ پاکستان تحریک انصاف کی کچھ خواتین کارکنان نے بھی ثمر ہارون کو ہی ووٹ دیا۔دوسری جانب ثمر ہارون بلور کا کہنا ہے کہ وہ اپنے شوہر کا مشن جاری رکھیں گی۔