کراچی(آئی این پی) انٹربینک مارکیٹ میں ڈالر کی قدر میں 2 روپے 30 پیسے کمی ہوگئی جس کے بعد ڈالر 131 روپے 50 پیسے کا ہوگیا۔ جمعہ کوکاروبار کے آغاز پر انٹربینک میں ڈالر ایک روپے 40 پیسے سستا ہوا اور 132 روپے 40 پیسے کا ہوگیا۔کاروبار کے دوران انٹر بینک میں ڈالر 2 روپے 30 پیسے
سستا ہوکر 131 روپے 50 پیسے پر آگیا۔جب کہ اوپن مارکیٹ میں ڈالر کی قدر ایک روپے کم ہوئی جس کے بعد ڈالر کی خریداری 131.50 پیسے رہی اور فروخت 132روپے 50 پیسے ہے۔ ماہرین کا کہنا ہے کہ ڈالر کی قیمت میں آئندہ چند روز میں مزید کمی متوقع ہے ۔
