راولپنڈی(آئی این پی ) آئی ایس پی آر نے کہاہے کہ ڈی جی آئی ایس آئی سمیت پاک فوج کے کسی افسرکا سوشل میڈیا پر کوئی آفیشل اکاؤنٹ نہیں ، صرف ڈی جی آئی ایس پی آر کا سوشل میڈیا پر آفیشل اکاؤنٹ ہے اس کے علاوہ باقی تمام اکاؤنٹس جعلی تصور کیے جائیں ۔ بدھ کو پاک فوج کے شعبہ تعلقات عامہ ( آئی ایس پی آر ) کے
ڈائریکٹر جنرل میجر جنرل آصف غفور نے سماجی رابطوں کی ویب سائیٹ ٹوئٹر پر اپنے ٹویٹ میں کہاکہ ڈ ی جی آئی ایس آئی سمیت پاک فوج کے کسی افسرکا سوشل میڈیاپلیٹ فارم پر کوئی آفیشل اکاؤنٹ نہیں ہے ،صرف ڈی جی آئی ایس پی آر کا سوشل میڈیا پر آفیشل اکاؤنٹ ہے، اس کے علاوہ باقی تمام اکاؤنٹس جعلی تصور کیے جائیں۔
