اسلام آباد (آئی این پی) اسلام آباد انٹر نیشنل ائیر پورٹ پر ایف آئی اے امیگریشن نے کارروائی کرتے ہوئے قتل کے ملزم کو نجی ایر لائن کے جہاز میں سے گرفتار کر لیا،۔تفصیلات کے مطابق اسلام آباد انٹر نیشنل ائیر پورٹ پر ایف آئی اے امیگریشن نے کارروائی کرتے ہوئے قتل کے ملزم کو نجی ایر لائن کے جہاز میں سے گرفتار کر لیا ایف آئی اے ذرائع کے مطابق ملزم طارق محمود نے دو روز قبل کلر سیداں میں اپنی بیوی اور بیٹی کو پستول سے فائرنگ کر کے قتل جبکہ دو دیگر بیٹیوں کو زخمی کر دیا تھا جس کے خلاف تھانہ

کلر سیداں میں 6 اکتوبر کو ایف آئی آر درج کی گئی تھیایف آئی آر کے مطابق ملزم گھریلو تنازعہ پر بیوی رخسانہ، بیٹیاں ام کلثوم، نجمہ طارق، دور شہوار، اور یاسمین گل پر فائرنگ کے بعد موقع سے فرار ہوا تھا فائرنگ کے بعد زخمیوں کو ٹی ایچ کیو ہسپتال لے جایا گیا جہاں زخموں کی تاب نہ لاتے ہوئے ملزم کی 45 سالہ بیوی رخسانہ اور 20 سالہ بیٹی ام کلثوم جان کی بازی ہار گئیں ،  ملزم طارق محمود کو طیارے سے آف لوڈ کیا جو نجی ایئر لائن سے قطر جا رہا تھا ایف آئی اے نے ملزم کو کلر سیداں پولیس کے حوالے کر دیا۔