ہالہ،حیدر آباد(سی پی پی) سندھ کے ہالہ ڈگری کالج کے کلرک نے فرعونیت کا مظاہرہ کرتے ہوئے بیٹی کا فارم لینے کیلئے آنے والے شخص سے تضحیک آمیز سلوک کیا، پرنسپل کو شکایت لگانے پر زیرتعلیم بچوں کو نکلوانے کی دھمکی بھی دی جس پر غریب باپ پاں پکڑ کر معافی مانگنے پرمجبور ہو گیا،
بلاول سے انصاف کی اپیل کر دی۔ہالہ نیوسعید آباد کے ڈگری کالج طالب المولی کے عملے کی من مانیاں حد سے بڑھ گئیں، بیٹی کا فارم حاصل کرنے والے باپ سے کالج سٹاف نے تضحیک آمیز سلوک کیا جس کی وڈیو دنیا نیوز نے حاصل کرلی۔ بتایا گیا ہے کہ ہالہ میں ظفراللہ نامی شخص اپنی بیٹی کا ایم اے فائنل کا فارم حاصل کرنے کیلئے کالج آیا جس کے دوران سبجکیٹ معلوم کرنے پر کالج کلرک طیش میں آگیا۔کالج پرنسپل کو شکایت کرنے پر تمام سٹاف یکجا ہوگیا اور ظفراللہ سے کہا کہ تم نے ہماری بے عزتی کروائی ہے، پرنسپل کو کیوں بتایا۔ کلرک نے غضبناک ہوتے ہوئیکرسیوں کو لاتیں ماریں اورلوگوں کے سمجھانے بجھانیپر بھی کسی کی ایک نہ سنی۔متاثرہ شخص ظفراللہ نے بتایا کہ اسکے دو بیٹے اور بیٹی کالج میں زیر تعلیم ہیں ان کو کالج سے نکلوانے کی دھمکی دی۔ کلرک نیپیر پکڑکر معافی مانگنے پر مجبورکیا۔ کالج پرنسپل نے موقف اختیار کیا کہ مجھے معاملے کا بتایاگیا تو ظفراللہ اور سٹاف کی صلح کروادی۔ متاثرہ شخص نے وزیراعلی سندھ اور بلاول بھٹو زرداری سے نوٹس لینے کی اپیل کردی۔دریں اثناء سیکرٹری کالجز سندھ نے کالج میں شہری کے ساتھ غیر انسانی سلوک کے واقعے کا نوٹس لے لیا ہے۔نیو سعید آباد ڈگری کالج میں بچی کا فارم لینے آئے والے کے ساتھ تصحیک آمیز سلوک کرنے پر ڈائریکٹر کالجز حیدرآباد نے کلرک جانب کیریو کو معطل کر دیا جب کہ واقعے کی تین رکنی تحقیقاتی کمیٹی بھی قائم کر دی گئی۔
پروفیسر نصیر الدین شیخ کی سربراہی میں قائم تین رکنی کمیٹی تین روز میں ڈائریکٹر کالجز کو رپورٹ پیش کرے گی، نوٹیفکیشن کے مطابق پروفیسر نصیر الدین شیخ کے علاوہ کمیٹی میں ڈپٹی ڈائریکٹر کالجز علی احمد جمالی اور پرنسپل سچل کالج پروفیسر علی اکبر کیریو بھی کمیٹی میں شامل ہیں۔اپنی بیٹی کے لیے ایم اے کا داخلہ فارم لینے آنے والے والد ظفر اللہ کے ساتھ کالج کے سینئر کلرک جانب کریو نے غیر انسانی سلوک کیا تھا اور فارم لینے آنے والا شہری ظفر اللہ کو پیر پکڑنے پر مجبور کر دیا تھا۔ظفر اللہ نے وزیر اعلی سندھ سید مراد علی شاہ اور چیئرمین پیپلزپارٹی بلاول بھٹو زرداری سے انصاف کی اپیل کی ہے۔
