اسلام آباد (این این آئی)سپریم کور ٹ آف پاکستان نے پاکستانیوں کے غیر ملکی اکاؤنٹس اور اثاثوں کا کیس سماعت کیلئے مقرر کردیا ہے ۔چیف جسٹس میاں ثاقب نثار کی سربراہی میں 3 رکنی بینچ منگل کو غیر ملکی اکاؤنٹس اور اثاثوں کے معاملے پر سماعت کرے گا۔عدالت نے چاروں صوبوں کے

ایڈووکیٹ جنرلز اور اٹارنی جنرل کو طلب کرلیا ہے ٗ چیئرمین ایف بی آر ،ڈی جی ایف آئی اے ،ڈی جی آئی بی اور سیکریٹری ایس ای سی پی کو بھی نوٹس بھیجے گئے ہیں۔گورنر اسٹیٹ بینک آف پاکستان کی سربراہی میں بنائی گئی خصوصی کمیٹی پیشرفت سے متعلق سپریم کورٹ کوآگاہ کریگی۔