اسلام آباد(این این آئی) وزیراعظم عمران خان سے بی این پی (مینگل گروپ) کے پارلیمانی وفد نے وزیر اعلیٰ سیکرٹریٹ کوئٹہ میں ملاقات کی۔ملاقات میں مخلوط حکومت میں اتحادی جماعت کے 6نکات کے حوالے سے تبادلہ خیال کیاگیا۔ بلوچستان کی سماجی و معاشی ترقی،
عوام کی فلاح و بہبود، کرپشن کے خاتمے اور شفافیت کو یقینی بنانے کے مشترکہ اہداف کے حصول کیلئے مشاورت اور کوششوں کو جاری رکھنے کے عزم کا اعادہ کیاگیا۔وفد میں سینیٹر جہانزیب جمالدینی، ثناء بلوچ اور صوبائی اسمبلی کے اراکین شامل تھے ۔
