لاہور( این این آئی)مسلم لیگ (ن) کی قانونی ٹیم نے شریف خاندان کے افراد کی آشیانہ ہاؤسنگ سکینڈل میں گرفتار شہباز شریف سے ملاقات کیلئے نیب کو باضابطہ درخواست دیدی ۔ ذرائع کے مطابق مسلم لیگ (ن) کے قائد محمد نواز شریف سمیت خاندان کے دیگر افراد آشیانہ ہاؤسنگ سکینڈل میں گرفتار شہباز شریف سے ملاقات کے
خواہاں ہیں ۔ قانون کے تحت نیب کی تحویل میں ملزم سے ملاقات کیلئے عدالت یا ڈی جی نیب سے اجازت درکار ہے جس کیلئے شریف خاندان کی قانونی ٹیم نے اپنی کاوشیں شروع کر دی ہیں۔ ذرائع کے مطابق ملاقات کی اجازت ملنے پر نواز شریف اور خاندان کے دیگر افراد شہبازشریف سے ملاقات کیلئے نیب آفس جائیں گے۔
