اسلام آباد(مانیٹرنگ ڈیسک)سابقہ ادوار میں ایک وزیر جتنی تنخواہ اور مراعات لیتا تھا اتنے میں آج پوری کابینہ کو پورا کیا جا رہا ہے، سوا لاکھ تنخواہ لیتا ہوں، وفاقی کابینہ میں آئینی طور پر49وزرا کی گنجائش ، مزید اضافہ کیا جائے گا، وفاقی وزیر اطلاعات و نشریات فواد چوہدری کی نجی ٹی وی سے گفتگو۔ تفصیلات کے مطابق وفاقی وزیر اطلاعات فواد چوہدری نے نجی ٹی وی پروگرام میں وفاقی کابینہ کے اخراجات کے حوالے سے انکشاف کرتے ہوئے

کہا ہے کہ سابقہ ادوار میں جتنی تنخواہ اور مراعات ایک وزیر لیا کرتا تھا اس میں آج پوری کابینہ کو چلایا جارہا ہے۔ وفاقی وزیر کا کہنا تھا کہ وہ سوا لاکھ تنخواہ لے رہے ہیں اور اب تو پہلے جیسی موجیں ختم ہو چکی ہیں، بیرون ملک علاج کی سہولت ختم ہو چکی ہے جبکہ بیرون ملک دورے انتہائی محدود کر دئیے گئے ہیں۔ فواد چوہدری کا کہنا تھا کہ وفاقی کابینہ میں آئینی طور پر 49وزرا کی گنجائش ہے جبکہ ابھی وفاقی کابینہ میں مزید اضافہ کیا جائے گا۔

موضوعات:تنخواہ وفاقی وزیر اطلاعات فواد چوہدری